Дмитрий Миндиашивили бирииһигэр Красноярскайга ыытыллыбыт тустууга бүтүн Арассыыйатааҕы турнирга Саха сирин сүүмэрдэммит хамаандата үс кыһыл көмүс, үс үрүҥ көмүс уонна биир боруонса мэтээли ылары ситистэ. Турнир кыайыылаахтара Иван Ярыгин күрэхтэһиитигэр барар кыахтаннылар.
Виктор Рассадин 70 киилэҕэ, Айсен Потапов — 65 кг, Ньургун Сергин 92 кг кыайыыны ситистилэр.
Иккис миэстэни Петр Константинов (61 кг), Петр Павлов (65 кг) уонна Максим Толмачев (97 кг) ыллылар. Боруонса мэтээли Дархан Игнатьев ылла.
Бастакы икки миэстэ кыайыылаахтара Иван Ярыгин аатынан күрэххэ кыттарга путевка ыллылар. Гран-при эмиэ Красноярскайга тохсунньу 25-27 күннэригэр ыытыллыа.
