Бүгүҥҥү туругунан, 46 оҕо «Океан» Россиятааҕы оҕо киинигэр, 31 — «Артек» норуоттар ардыларынааҕы кииҥҥэ сынньанар.
Сайыҥҥы сменаны дойду сүрүн лааҕырдарыгар атаарыахтара. 524 путевкаҕа сөбүлэҥ суруйулунна, «Океан», «Орленок», «Смена» уонна «Артек» оҕо кииннэригэр.
«Дети Арктики» федеральнайдааҕы бырагырааманан сынньылаҥҥа 144 оҕо барыаҕа, «Развитие образования» бырагырааманан — 154, анал байыаннай дьайыы кыттыылааҕын оҕолоругар 400 путевка көрүллэр.
2025 сылга Арктика оҕолорун сынньалаҥнарыгар федеральнайдааҕы бюджеттан 22 мөл солк көрүллүбүтэ.
