Саха сирин кэккэ улуустарыгар бу нэдиэлэҕэ сылаас күнү-дьылы билгэлииллэр. Уус-Маайа оройуонугар салгын температурата -12 кыраадыска тиийэ үрдүөҕэ.
«Бу нэдиэлэҕэ, Охотскай муораттан сылаас салгын тахсыаҕыттан, өрөспүүбүлүкэ сиригэр-уотугар сылаас күн-дьыл күүтүллэр. Саамай сылаас Уус-Маайа оройуонугар олохтонуо, салгын температурата -12…-18 кыраадыска диэри тахсыа», — диэн ЯСИА-ҕа УГМС метеорологическай уонна агрометеорологическай билгэлээһиннэргэ отделын начаалынньыга Саргылана Никитина кэпсээтэ.
Эксперт этэринэн, Дьокуускайга сылаас салгын чыпчаала бээтинсэҕэ уонна субуота күн күүтүллэр. Күнүскү температура бу күннэргэ -27…-30 кыраадыс буолуоҕа.
Тохсунньу 15-16 күннэригэр хотугулуу-арҕаа, хоту түүн -45…-50°, намыһах сирдэргэ -52…-57°, арҕаа өттүгэр түүн -40…-45°, күнүс -33…-38°, сорох сирдэринэн -25…-30°, кииҥҥэ түүн -32…-37°. Күнүс -25…-30°, соҕуруулуу-илин түүн -23…-28°, күнүс -20…-25°, сорох сирдэринэн -13…-18°, хотугулуу-илин түүн -28…-33°, намыһах сирдэргэ -40…-45°, күнүс -23…-28°, сорох сирдэринэн -33 … -38°.
