Сэтинньи 11 күнүгэр Женеваҕа «Алроса» хостообут оруосабай өҥнөөх 14,83 караттаах сэдэх бриллиана 26,6 мөл долларга аукциоҥҥа атыыга барда. Бу туһунан Sotheby’s дьиэтэ суруйар.
«Призрак розы» диэн нуучча аатырбыт балетын аатын сүгэр бриллианы ылбыт киһи кимэ биллибэт. Кини аукциоҥҥа анонимно кыттыбыт. Сэдэх тэтэркэйдиҥи хараҥа кыһыл бриллиант муҥутуур сыанаҕа барбыт.
Бриллианны «Нижинскай» диэн 2017 сыл от ыйыгар булуллубут 27,85 караттаах алмаастан чочуйан оҥорбуттар.
