Нам, Хаҥалас уонна Уус-Майа оройуоннара оттооһун былаанын аһара толордулар. Бу туһунан алтынньы 4 күнүгэр Саха сирин тыатын хаһаайыстыбатын министиэристибэтин департаменын салайааччыта Вячеслав Гаврильев иһитиннэрдэ.
Былааны 90%-тан тахса Амма, Мэҥэ Хаҥалас, Таатта, Чурапчы улуустара уонна Дьокуускай куорат толордулар.
Гаврильев иһитиннэриитинэн, алтынньы 3 күнүнээҕи туругунан, өрөспүүбүлүкэҕэ 385 тыһыынчаттан тахса туонна от бэлэмнэниллибит, бу былаантан 87%.
Салгыы 57 мобильнай биригээдэ үлэлиир. Кинилэр ыраах сытар учаастактарга 43 979 туонна оту бэлэмнээтилэр.
