Турнир финалыгар тахсыы иһин киирсиилэр олунньу 27 күнүгэр буолуохтара.
Читаҕа профессионаллар ортолоругар аан дойду чемпиона Александр Бахтин аатынан эр дьон ортотугар «А» кылаастаах боксаҕа бүтүн Россиятааҕы күрэхтэһии финалын чиэппэр буолан ааста. Саха сирин сүүмэрдэммит хамаандатын түөрт боксера финал аҥарыгар киирсиэхтэрэ. Бу туһунан өрөспүүбүлүкэ сүүмэрдэммит хамаандалар спортивнай бэлэмнэниилэрин киинигэр иһитиннэрдилэр, диэн суруйда ЯСИА.
63,5 киилэҕэ Николай Пшенников бүрээт бэрэстэбиитэлэ Бэликто Зайгановы кыайда. Финал аҥарыгар кини утарсааччытынан Москва уобалаһыттан төрүттээх Бузургмерх Авджамминов буолуоҕа.
Ити ыйааһыҥҥа Руслан Никитин, судьуйалар биир санаанан быһаарыыларынан, Иркутскай уобаластан Кирилл Нохрины баһыйда. Кинини салгыы Омскайтан Василий Самчук күүтүөҕэ.
Норуоттар икки ардыларынааҕы кылаастаах спорт маастара Данил Прокудин (75 кг) Бурятияттан Владимир Сапуненконы нокауттаата. Кини Приморскай кыраайтан Вячеслав Вячеславы утары тахсыахтаах.
Оттон Иннокентий Слепцов (51 кг) Магадантан Вячеслав Мирзаевы кытта финал аҥарыгар киирсиэҕэ.
