Саха сирин өрүстэригэр кыра кыамталаах суудуналарга навигация саҕаланна, коммерческайа суох сыалга туттууга. Нееловаҕа от ыйын 25 күнүттэн арыллара былааннанар.
Ол туһунан ЫБММ өрөспүүбүлүкэтээҕи салаатын пресс-сулууспата суруйар.
ГИМС иниспиэктэрдэрэ өрөспүүбүлүкэ уу эбийиэктэригэр рейдэлэри оҥороллор. «Техникалаах дьон докумуоннарын бэрэбиэркэлиибит, суудуналарын туругун көрөбүт, быыһыыр жилеттарын, инвентардарын чуолкайдыыбыт, бортка ылар дьоннорун ахсаанын тутуһалларын ирдиибит. Суоппардар хайаан даҕаны тырааныспардарын ыытар бырааптарын уонна суудуналара техкөрүүнү ааспытын докумуонун илдьэ сылдьтыахтаахтар», – диэтэ кылаабынай судаарыстыбаннай иниспиэктэр Аурика Смирнова.
