Ил Дархан Айсен Николаев үөрэх тэрилтэлэрин салайааччыларыгар саҥа оптуобустар күлүүстэрин туттарда. 20 техника регион килиимэтигэр сөп түбэһэр гына оҥоһуллубут, суруйар ЯСИА.
«Оскуолаларга оптуобустары биэрии үтүө үгэскэ кубулуйда. Бүгүн 20 күлүүһү туттардыбыт. 17 оскуолаҕа, икки колледжка, «Бэс чагда» оҕо сынньанар уонна доруобуйатын туругун чэрдигирдэр киинигэр бэрилиннэ. Владимир Путин көҕүлээбит бырагыраамата кыра куораттарга, сэлиэнньэлэргэ үлэлиириттэн мин үөрэбин. Географията чахчы киэҥ. Оҕолор араас куонкурустарга уонна күрэхтэһиилэргэ кыттыахтара», — диэтэ Айсен Николаев.
Хаартыска: Андрей Сорокин/ЯСИА
22 олорор миэстэлээх оптуобустары Амма, Үөһээ Бүлүү, Үөһээ Халыма, Дьааҥы, Бүлүү, Горнай, Кэбээйи, Сунтаар, Нам, Уус Алдан, Чурапчы, Таатта оройуоннарыгар ыыттылар.
Хаартыска: Андрей Сорокин/ЯСИА
