Саха сиригэр «Формирование комфортной городской среды» бырагыраама чэрчитинэн 41 уопсастыбаннай эйгэни тэрийэр үлэ барар. Бу туһунан социальнай ситимнэргэ быһаччы эфир кэмигэр Саха сирин баһылыгын иһинэн үлэлиир архитектура уонна куорат тутуутун Управлениетын салайааччыта Любовь Папок кэпсээтэ, диэн ЯСИА иһитиннэрдэ.
Кини быйыл Үөһээ Бүлүү улууһун Нам, Хоро нэһилиэктэригэр эбийиэктэр олоххо киирбиттэрин иһитиннэрдэ. Бүлүү оройуонун Кыһыл-Сыыр сэлиэнньэтигэр эбийиэк аһылынна.
Төҥүлү, Мукучу, Одуну, Хамаҕатта, Бороҕон уонна да атын нэһилиэктэргэ бырайыактары олоххо киллэрии барар, олору үлэҕэ алтынньы саҥатыгар киллэриэхтэрэ. Быйыл Мииринэйгэ, Нерюнгрига уонна Майа сэлиэнньэтигэр үлэни түмүктүөхтэрэ.
Быйылгы сылга Өлүөхүмэҕэ, Томмокко, Хаандыгаҕа, Аммаҕа уонна Аллараа Бэстээххэ уопсастыбаннай сирдэри тэрийиигэ үлэлэри саҕалаатыбыт. Кинилэри эһиил туттарар былааннаахтар.
Санатан эттэххэ, 2019 сылтан 2024 сылга диэри Саха сиригэр РФ президенэ Владимир Путин көҕүлээбит «Дьиэ уонна куорат эйгэтэ» национальнай бырайыак «Формирование комфортной городской среды» бырагырааматын чэрчитинэн 101 уопсастыбаннай миэстэ тупсарыллыбыт.
