«Россия — моя история» история пааркатыгар муус устар 26 күнүгэр «Диктант Победы» тэрээһин буолла. Быйылгы дьаһал Ленинград босхолонуутун 80 сылыгар ананна.
История пааркатын былаһааккатыгар дьыктааны суруйууга 140-тан тахса киһи кытынна, кинилэр ортолоругар үөрэх миниистирэ Нюргуна Соколова баар. «Элбэх эдэр киһи баара үөрдэр. Ити эдэр көлүөнэҕэ Аҕа дойду улуу сэриитин суолтатын көрдөрөр», — диэтэ кини.
Манна оскуола оҕолоро, устудьуоннар, биэдэмистибэлэр уонна тэрилтэлэр сотрудниктара кытыннылар. Саамай эдэр кыттааччы 12 саастаах.
Алтыс төгүлүн ыытыллар «Диктант Победы» Саха сирин бары оройуоннарыгар буолла, 860 былаһаакканан тарҕанна.
