Кыайыы музейа уонна Россия почтата «Кыайыы аккырыыкката» диэн уруһуй куонкурсун биллэрдэ. Тэрийээччилэр эҕэрдэ аккырыыккалары ыам ыйын 9 күнүн көрсө оҥороллоругар этэллэр. Ким баҕарар кыттара көҥүл, сааһынан хааччахтааһын суох.
Уруһуйдар Кыайыы музейын онлайн-быыстапкатыгар киллэриллиэхтэрэ уонна официальнай сайтка тахсыахтара. Интернет-туһанааччылар сөбүлээбит аккырыыккаларын бэйэлэрэ талан ылар кыахтаныахтара уонна салгыы электроннай почтанан чугас дьонугар, доҕотторугар уонна кэллиэгэлэригэр бэйэлэрин эҕэрдэ суруктарын суруйан ыытыахтара.
Бастыҥ үлэлэр, эксперт жюри уонна норуот куоластааһынын талыллыбыттар, бырааһынньыктааҕы аккырыыккалар серияларыгар киириэхтэрэ. Маннык нобуордары кыайыылаахтарга Россия Почтата ыытыаҕа.
Сайаапкалар муус устар 26 күнүгэр диэри ылыллаллар. Толору информацияны манна киирэн билис: https://victorymuseum.ru/online-programs/competition/konkurs-otkrytka-pobedy-/
This post was published on 06.04.2021 10:28 10:28