Нерюнгри оройуонугар биир дьахтар ойуурга 5,3 кг кыһыл көмүс уонна 1,2 кг үрүҥ көмүс булла. Суут кинини көҥүлэ суох күндү металлы ууруммутун уонна тиэйбитин-таспытын иһин буруйдааҕынан аахта, суруйар SakhaNews.
Нерюнгритааҕы суут ааспыт сыл ахсынньытыгар Нерюнгрига олорор биэнсийэлээх дьахтары сокуоннайа суох күндү металлы ууруммутун уонна тиэйбитин-таспытын иһин буруйдааҕынан аахта.
Дьахтар этэринэн, кини көмүһү ойуурга булбут. 5 360,4 грамм кыһыл көмүс уонна 1 238,3 грамм үрүҥ көмүс. Булумньутун дьиэтигэр ууруммут. Ол кэннэ «Нерюнгри — Пассажирская» тимир суол ыстаансыйатыгар билэр киһитигэр биэрбит. Ол киһитэ дьахтар сокуону кэһэр дьайыылары оҥорор санаалааҕын билбэтэх диэн суут бириигэбэригэр суруллар.
Ааспыт сыл ахсынньытыгар 5,3 кг кыһыл көмүс 21 мөл солк турара, оттон 1,2 кг үрүҥ көмүс – 60 тыһ солк тахса.
Биэнсийэлээх дьахтартан булумньутун Россия Саха Өрөспүүбүлүкэтигэр УФСБ тэрилтэтэ тутта. Суут дьахтары РФ ХК 191 ыст 4 чаааһынан буруйдааҕынан аахта, 1 сыл 6 ый көҥүлүн, 1 сыл кэтээн көрүү болдьохтоох, быһарга уураахтаата. Ыстырааптаата (суумата суруллубатах), онтун 10 ый иһигэр төлөһүөхтээх.
This post was published on 16.06.2022 17:01 17:01