Саха сирин моржтара Дьокуускай куорат пляһыгар үгэскэ кубулуйбут ойбоҥҥо киириини ыыттылар. ЯСИА-ҕа тэрийээччилэр иһитиннэрбиттэринэн, аахсыйа «Кыһын Саха сириттэн саҕаланар» бэстибээл чэрчитинэн ыытылынна.
«Кыһын Саха сириттэн саҕаланар» бэстибээл кэмигэр ойбоҥҥо киирии үчүгэй үгэскэ кубулуйда. Бу ордук омук ыалдьыттарын соһутар бэстибээл ураты брендэ буолар. Оттон биһиэхэ ойбоҥҥо киирии — Саха сирин олохтоохторун чөл олоҕо уонна күүстээх санаатын бэлиэтэ», — диэн кэпсээтэ Саха сирин кыһыҥҥы сөьүө Федерациятын чилиэнэ Егор Дегтярев.
Кыттааччылар уу температурата сылы быһа нуул кыраадыстан арыый үрдүк буоларын, тымныы уу организм кистэлэҥ саппаастарын арыйарга көмөлөһөрүн бэлиэтээтилэр.
«Кылаабынайа — систиэмэлээхтик дьарыктаныахха: ойбоҥҥо көннөрү киирэн умсуу көҥүллэммэт. Араас күҥҥэ-дьылга устабыт, -40 да буолар, доруобуйа, чэгиэн буолуу, үчүгэй санаа олохсуйар», — диэн ойбоҥҥо умсуу кыттыылаахтара эбэн эттилэр.
