Муус устар 11 — 13 күннэригэр Аллараа Халыма оройуонун Колымское сэлиэнньэтигэр Саха сирин чукчаларын IV съезтэрэ буолуоҕа. Манна Чукотскай автономнай уокуруктан уонна Камчатскай кыраайтан делегаттар кыттыахтара. Ол туһунан «Илкэн» аҕыйах ахсааннаах хотугу норуоттар порталлара суруйда.
Съезкэ чукча норуотун социальнай-экономическай кыһалҕаларын дьүүллэһиэхтэрэ уонна соруктары быһаарсыахтара. Резолюция ылыллан, Саха сирин чукчаларын Ассоциацияларын бэрэссэдээтэлэ талыллыаҕа.
Өрөспүүбүлүкэҕэ билигин 600 кэриҥэ чукча олороро бэлиэтэнэр. Ол иһигэр 300 Халарчинскай туундараҕа. Ассоциация 2004 сыллаахха тэриллибитэ.
