Саха сирин бырабыыталыстыбатыгар дьон түмсэр тэрээһиннэрин хааччахтыыр туһунан боппуруос быһаарыллар

Саха сирин бырабыыталыстыбатыгар дьон мустар тэрээһиннэрин уонна өрөспүүбүлүкэ таһыгар тахсыыны хааччахтыыр быһаарыы ылыллар. Ил Дархан Айсен Николаев бу боппуруос түргэнник быһаарыллыахтааҕын эттэ.  


Эпидемиологическай балаһыанньанан мунньахха Айсен Николаев аан дойдуга коронавируһунан сылтаан балаһыанньа сытыырхайбытынан, спортивнай, култуурнай, уопсастыбаннай тэрилтэлэр тэрээһиннэригэр хааччахтааһыны киллэрэри эттэ.

«Өрөспүүбүлүкэ таһымыгар быһаарыылары ылар наада. Дьон мустар тэрээһиннэрин хааччахтааһыҥҥа. Бүгүн үрдүк үөрэх кыһаларын дистанционнай үөрэтиигэ көһөрөр туһунан быһаарыллар«, — диэтэ кини.

Оскуолаларга эмиэ бу боппуруоһу дьүүллэһэллэр. Николаев оҕолор өрөспүүбүлүкэ таһыгар тахсыыларын эмиэ хааччахтыыр туһунан эттэ.

This post was published on 16.03.2020 13:00 13:00