Биһиги быраастарбыт дойдуга холбоспут саҥа эрэгийиэннэргэ тиһигин быспакка тиийэн, доруобуйаларын туругун көрөллөр, эмтииллэр. Бу үлэ Ил Дархан Айсен Николаев сорудаҕынан ыытыллар диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Кулун тутар 2 күнүттэн ДНР Докучаевскай куоратыгар Саха сирин быраастара үлэлииллэр. Ону сэргэ муус устарга Өрөспүүбүлүкэтээҕи харах балыыһатын быраастара Ктовскай уонна Докучаевскай куораттарга баран үлэлээтилэр.
«Быраастар приемнай отделениеҕа суһал көмөҕө наадыйааччылары көрөллөр, хирургия отделениетыгар ыарыһахтарга улахан болҕомто ууруллар. Сыл саҕаланыаҕыттан Докучаевскай куоракка барыта 200-тэн тахса эпэрээссийэ ыытыллынна», — диэн Доруобуйа харыстабылын министиэристибэтин Мэдиссиинэ көмөтүн оҥорор департаменын кылаабынай исписэлииһэ Федора Осипова брифиҥҥэ иһитиннэрдэ, суруйда Сайаана Львова, Саха сирэ саайт.
