Атырдьах ыйын 20 күнүгэр Россияҕа атомнай промышленность 80 сылын бэлиэтээтилэр. «Россия 24» ханаалга «Быһа кэпсэтии» биэриигэ салаа сайдыытын кэскилин Ил Дархан Айсен Николаев кэпсээтэ.
«Бүгүн Россия атомнай промышленность 80 сылын бэлиэтиир. Салаа дойду технологическай суверенитетын, көмүскэнэр кыаҕын уонна куттала суох буолуутун төрүт буолар. Россия бүгүн атомнай технологияҕа аан дойду лидерэ буолар», — диэн Саха сирин баһылыга тоһоҕолоон бэлиэтээтэ.
Айсен Николаев өрөспүүбүлүкэ Росатом судаарыстыбаннай корпорациятын кытта бииргэ үлэлээһинин бэлиэтээтэ. Сүрүн бырайыактар ахсааннарыгар — кыра кыамталаах атомнай ыстаансыйа тутуута буоларын эттэ.
«Үлэ түргэнник барыан баҕарабын эрээри, атомнай эбийиэги түргэнник тутуу сатаммат, бырайыактааһын уонна тутуу экологическай куттал суох буолуутун бары нуормаларынан кытаанахтык толоруллар. Былаан быһыытынан, ыстаансыйа 2030-2031 сылларга толору бэлэм буолуоҕа » — диэн Айсен Николаев бэлиэтээтэ.
Ону таһынан сотору кэминэн Росатом Алдан оройуонугар Россияҕа улахан уран баайдаах сири баһылааһыҥҥа киириэҕэ.
Регион ураты киэн туттуутунан Саха сирин баһылыга Хотугу Муустаах океаҥҥа ситиһиилээхтик үлэлиир Россия ледокольнай флотун састаабыгар киирэр «Якутия» ледоколу ааттаата.
«Росатомы кытта бииргэ үлэлээһин бөҕөргүөҕэ диэн эрэнэбин. Былааҥҥа — кадрдары бэлэмнээһин, оройуоннар социальнай сайдыыларын өйөөһүн уонна да атыттар бааллар. Ити барыта иннибитигэр өссө да улахан суолталаах ситиһиилэр буолалларыгар эрэл биэрэр», — диэн эбэн эттэ Айсен Николаев.
