СТС телеханаалга олунньу 26 күнүттэн «Как Деревянко Ломоносова играл» диэн кэмиэдьийэ сериала тахсар.
Биир сүрүн оруолу Саха сирин Мииринэй оройуонун Удачнай куоратыттан Вероника Васант оонньоото.
Сюжет быһыытынан, Павел Деревянко артыыһы айар кириисис ыга ылар, дууһатын уһугуннараары Ломоносов дойдутугар барар. Биллэр киһи кэлбитэ сэлиэнньэ олоҕун сэргэхситэр. Вероника Васант эппитинэн, кини сериалга уһуллуу кэмигэр гипстээх сылдьыбыта мэһэйдээбит, куруук онтун кистии сатыы сылдьыбыт. Кини Чехов аатынан МХТ испэктээккэ репетициялана сылдьан илиитин оһоллообут.
«Интэриэһинэйэ диэн, мин героиням эмиэ хаҥас илиитигэр оһолломмут. Киниэхэ бүлгүрүйүү, оттон миэхэ тостуу. Мистика курдук!» — диэтэ артыыска.
