Саха сиригэр Арктика оройуоннарын инфраструктураларын саҥардыыга былааннаах үлэ ыытыллар. Соруктар Россия президенэ Владимир Путин бигэргэппит Арктиканы сайыннарыы стратегиятын уонна Ил Дархан, «Биир Ньыгыл Россия» баартыйа региональнай отделениетын сэкирэтээрэ Айсен Николаев ыйааҕын чэрчитинэн толоруллаллар.
«Россия президенэ Владимир Владимирович Путин Арктика оруола уонна суолтата Россияҕа да, аан дойдуга да улаатарын бэлиэтээтэ. Арктика олохтоохторугар кыһамньы, табыгастаах усулуобуйаны тэрийии, олоххо саҥа кыахтары арыйыы судаарыстыбаннай бэлиитикэ тутаах приоритеттара буолаллар. Ол туһугар дойдуга Россия Федерациятын Арктическай зонатын сайыннарыы уонна 2035 сылга диэри кэмҥэ национальнай куттал суох буолуутун хааччыйыы стратегията ылылынна, оттон өрөспүүбүлүкэҕэ – 2035 сылга диэри Арктическай зонаны сайыннарыы стратегията, Саха сирин арктическай территорияларыгар судаарыстыбаннай бэлиитикэ сүрүн хайысхаларын туһунан стратегическай ыйаах олоххо киирдэ», — диэн Түмүктээтэ Айсен Николаев.
Сиһилии манна аах.
