Арассыыйаҕа 2023 сылга дэриэбинэлэри уонна бөһүөлэктэри түргэн тэтимнээх мобильнай интернетка холбооһуҥҥа куоластааһын бара турар. Саха дьоно Госуслуги портал нөҥүө 3352 куолаһы биэрдилэр.
Бэлиэтээн эттэххэ, саамай элбэх куолаһы ылбыт 1800 нэһилиэккэ 4G интернеты киллэриэхтэрэ. Бу куонкуруска 100-тэн 500-кэ диэри нэһилиэнньэлээх дэриэбинэлэр кытталлар.
Саха сириттэн Госуслуги портал куоластааһыныгар 150 нэһилиэк кыттар. Олортон Уус-Майа оройуонун Бэлькичитэ бастаан иһэр. Салгыы Сунтаар улууһуттан Тэҥкэ, Томпоттон Арыы-Толоон, Үөһээ Бүлүүттэн туобуйа бааллар. Билиҥҥитэ Саха сирин олохтоохторуттан 3352 куолас киирбит.
Куолаһы араас ньыманан биэриэххэ сөп:
— Госуслуги порталга бу сыылканан https://www.gosuslugi.ru/inet
— Почтанан. Сурукка интернет киириэхтээх нэһилиэк аатын, аадырыһын ыйыахха наада. Суругу ыытар аадырыс: 123112, г. Москва, Пресненская наб., д.10, стр.2
Куоластааһыҥҥа Арассыыйа сокуоннай сааһын сиппит бары олохтоохторо кыттыахтарын син. Ол гынан баран, бэйэтин куолаһын биэрэр региоҥҥа олорор буолуохтаах.
Онлайн куоластааһын сэтинньи 12 күнүгэр диэри буолуоҕа. Суругу почтанан сэтинньи 26 күнүгэр диэри тутуохтара.
Түмүгэ ахсынньы 26 күнүгэр биллиэҕэ.
