««Готов к труду и обороне» комплекс физическай күүс, спорт буолалларын таһынан, тыйыс усулуобуйаҕа олорор саха дьонун санааларын күүһэ, тулуурдара. Биһиги ону ханна баҕарар көрдөрөбүт. Үлэҕэ, спортка, анал байыаннай дьайыыга. Мин бу бэрэбиэркэни ааспыттарга махтанабын, ситиһиилэриттэн үөрэбин. Бу аата эһиги бэйэҕитин кыайдыгыт, сайдыыга хардыы оҥордугут», — диэтэ бырабыыталыстыба бэрэссэдээтэлин солбуйааччыта Анатолий Семёнов.
«ГТО»-ну туттарбыттары спорт миниистирэ Леонид Спиридонов, ыччакка уонна спортка Ил Түмэн сис кэмитиэтин бэрэссэдээтэлэ Георгий Балашкин, Россия Геройдара Николай Евдокимов, Филипп Евсеев уонна да атыттар эҕэрдэлээтилэр.
Хаартыска: Дьулустаан Сергеев/ ЯСИА
«Бастатан туран, Өрөспүүбүлүкэ күнүнэн билигин бойобуой соруктары толоро сылдьар бойобуой доҕотторум уонна тус бэйэм ааппыттан эҕэрдэлиибин. Махтанабын туора турбакка анал байыаннай дьайыыга сылдьар байыастарга көмөлөһөргүтүгэр. Эһиги — биһиги бөҕө тыылбыт буолаҕыт», — диэтэ Николай Евдокимов.
Кыһыл көмүс бэлиэлэри уонна дастабырыанньалары сүүстэн тахса Саха сирин олохтооҕо тутта, үгүстэрэ оскуола үөрэнээччилэрэ. Тэрээһин Аҕа дойду улуу сэриитигэр Кыайыы 80 сылыгар, Россияҕа Аҕа дойдуну көсмүскээччи, Саха сиригэр Ийэ дойдуну көмүскээччи сылларыгар ананар.
