Саха сирин баһылыга Айсен Николаев олунньуга диэри 2023 сылга уот туруон сөптөөх ойуурдарыгар борогунуос бэлэмнииргэ сорудахтаата. Баһаар куттала үөскүөн сөптөөх сезон туһунан ойуур хаһаайыстыбатын федеральнайдааҕы агентствотын салайааччытын солбуйааччыта Алексей Венглинскай кыттыылаах мунньахха этилиннэ.
Айсен Николаев бэлиэтээбитинэн, ааспыт сыллаахха сөптөөх үлэ ыытыллан, уот сиэн сөптөөх иэнин 14 төгүл кыччатыллыбыт, баһаар туруутун — үс төгүл.
«Билигин ааспыт сыллааҕы соругу толорууну ааһан, өссө көрдөрүүнү тупсарыыга үлэлиэхтээхпит», – диэтэ регион баһылыга. Олунньуга диэри регион бырабыыталыстыбата туһааннаах сулууспалары кытта 2023 сылга уот туруон сөптөөх ойуурдарыгар борогунуоһу оҥороллоругар сорудахтанна. Ордук кутталы үөскэтэр территориялаах оройуоттарга күүһү бөҕөргөтүү туһунан этилиннэ.
Николаев эппитинэн, маннык практика сөптөөҕө бэлиэтэнэр. Ордук уокка былдьаныан сөптөөх сирдээх-уоттаах улуустарынан Уус Майа, Алдан, Нерюнгри уонна Томпо буолаллар. Баһылык борогунуос зондировщик-сөмөлүөттэри үлэҕэ туруорууга эмиэ туһалаах.
Быйыл да искусственнай ардаҕы түһэрии салҕанар, регион бюджетыттан бу сыалга 80 мөл солк көрүллэр. Өрөспүүбүлүкэҕэ «Полярные авиалинии» АХ баазатыгар бэйэ зондировщиктанара этилиннэ.
Сиһилии https://ysia.ru/v-yakutii-podgotovyat-prognoz-riskov-vozniknoveniya-pozharov-v-lesah/
