Саха сирин народнай депутаттара Ил Түмэн XVII пленарнай мунньаҕын кэмигэр тулаайах оҕолору уонна төрөппүттэрин көрүүтэ-истиитэ суох хаалбыт оҕолору олорор дьиэлэринэн хааччыйыы боппуруоһун көрдүлэр. Саха сирин народнай депутата Иван Луцкан иһитиннэрбитинэн, сокуон көҕүлээһинэ кинилэри көмүскүүргэ туһуланар.
«Тулаайах оҕолорго олорор дьиэҕэ олус үчүгэй сокуон ылылынна. Кини тупсаҕай буолуохтаах, бу өйдөбүлү аны уларытар кыах суох. Онно барыта баар буолуохтаах — туалет, сылаас, уот, душ, биэдэрэнэн таһаарар систиэмэ буолбатах. Оҕолор онто да суох төрөппүттэрин көрүүтэ-истиитэ суох хаалбыттар. Ийэ сылааһын да, аҕа тапталын да ылбатахтар», — диэтэ Иван Луцкан комментарийга.
Сокуон барыла бүтэһиктээх ааҕыыга ылылынна.
