«Өрөспүүбүлүкэҕэ дьарыктаах буолуу сулууспата анал байыаннай дьайыы кыттыылаахтарын үлэнэн хааччыйыыны инники күөҥҥэ тутан үлэлиибит. Кинилэр дьиэ кэргэттэриттэн эмиэ үлэ көрдүүллэригэр көмө буолабыт. Сыл аҥарыгар «Защитники Отечества» пуонданы кытта араас тэрээһин ыыттыбыт, ол иһигэр вакансия дьаарбаҥкатын, аһаҕас профессиональнай талыыны», — диэтэ Светлана Горюшинская.
Ордук болҕомто СВО кыттыылаахтарын идэҕэ үөрэтиигэ уонна эбии үөрэхтэнэллэригэр ууруллар. Салайааччы эппитинэн, бойобуой дьайыылар бэтэрээннэриттэн урукку үлэлэрин миэстэлэригэр төннүөхтэрин баҕарбаттар эмиэ бааллар.
«Ол иһин эбии компетенция, уопут ылалларыгар сүбэлиибит уонна элбэх хамнастаах үлэҕэ киирэллэригэр көмөлөһөбүт. Холобур, бырамыысыланнаска. Быйыл эбии үөрэҕи 37 СВО кыттыылааҕа уонна кинилэр дьиэ кэргэттэрин 100-тэн тахса киһи ыллылар», — эбэн эттэ кини.
