Сиһилии манна ааҕыҥ.
«Защитники Отечества» судаарыстыбаннай пуонда Саха сиригэр филиала анал байыаннай дьайыы бэтэрээннэригэр уонна кинилэр дьиэ кэргэттэригэр көмөнү салгыы оҥорор. 2025 сыллаахха 39 тыһыынчаттан тахса этии киирбитэ. Олортон 33 тыһыынчата сөптөөх быһаарыы ылла. Атын боппуруостар үлэҕэ сылдьаллар. Ол туһунан www.sakha.gov.ru. сайт иһитиннэрэр
«Саамай элбэх этии социальнай өйөбүл дьаһалларын анааһынынан киирдэ – 10 тыһыынчаттан тахса, СВО-ҕа кыттыынан ылар харчынан төлөбүрдэргэ — 5 тыһыынча. Итини сэргэ бойобуой дьайыы бэтэрээнэ уонна өлбүт бэтэрээн дьиэ кэргэнин чилиэнин дастабырыанньатын ылыы боппуруостарыгар – 7 тыһыынча», – диэн бэлиэтээн эттэ Саха сиринээҕи «Защитники Отечества» нуонда филиалын салайааччыта Алексей Александров.
Кини иһитиннэриитинэн, «Защитники Отечества» госпуонда филиала инбэлиит 14 бэтэрээн олорор дьиэлэрин киирэргэ-тахсарга табыгастаах оҥордо. Инбэлииттээх 14 бэтэрээн хааччылынна — 8 спортивнай протез атахха, 2 протез илиигэ, биир «Умная трость», 3 кэлээскэ бэриллибиттэр. Былырыын инбэлиит массыынатынан 4 бэтэрээн хааччыллыбыт.
