Саха сирин оперштаба иһитиннэрбитинэн, бэс ыйын 8 күнүнээҕи туругунан, өрөспүүбүлүкэ сиригэр- уотугар биэс баһаар умайа турар: икки- Өлүөхүмэҕэ, биирдии- Алдан, Хаҥалас, Өлөөн оройуоннарыгар.
Уот барбыт сирин уопсай иэнэ 19,4 гектарга тэҥнэһэр.
Маны таһынан, баһаар умулларыытыгар Авиалесоохрана 37 десантник-парашютиһа үлэлии сылдьар. Ааспыт сууккаҕа өрөспүүбүлүкэ сиригэр-уотугар аҕыс баһаары туораттылар: түөрдэ — Өлүөхүмэҕэ, биирдии- Алдан, Хаҥалас, Уус-Майа, Дьааҥы улуустарыгар.
Бэлиэтээн эттэххэ, өрөспүүбүлүкэ 17 оройуона баһаартан сэрэхтээх режими тутуһар. Билигин маннык режим регион бары сиригэр- уотугар киирэрэ былааннанар.