Санитарнай авиацияны уонна эминэн-томунан хааччыйыыны судаарыстыбаннай бюджеттан үбүлээһини 2026 сылга улаатыннарыахтара, диэн иһитиннэрдэ Саха сирин үбүн миниистирин э.т. Иван Алексеев.
«Бүддьүөт төһө да уустугун иһин, социальнай хайысхалаах хаалла. Ороскуот аҥара — социальнай эйгэ (үөрэх, культура, доруобуйа харыстабыла, нэһилиэнньэ социальнай көмүскэлэ). Кэлэр сылга эминэн хааччыйыыга быйылгы сылга тэҥнээтэххэ, 1,4 төгүл элбэх үп көрүллүннэ. Санитарнай авиация көтөрүгэр эмиэ икки төгүл кэриҥэ үп көрүлүннэ», — диэн Иван Алексеев бэлиэтээтэ.
Саха сирин үбүн министиэристибэтигэр чуолкайдаабыттарынан, эминэн-томунан чэпчэтиилээх хааччыйыыга 2026 сылга 3,8 млрд солк.көрүллүбүт, улаатыннарыы 1,2 млрд солк. буолбут. Оттон санитарнай авиацияҕа федеральнай үбү учуоттаан, 2,6 млрд солк. көрүллүөҕэ, ол 2025 сылга тэҥнээтэххэ 1,4 млрд. элбэх.
