Ахсынньы 4 күнүгэр Саха сиригэр саамай бөдөҥ хочуолунайы үлэҕэ киллэрдилэр. Хомунаалынай эбийиэк Дьокуускайга «Звезднай» уонна «Ильинка» микрооройуоннары хааччыйыаҕа. Ол туһунан бырабыыталыстыба бэрэссэдээтэлин бастакы солбуйааччыта Дмитрий Садовников эттэ.
Бастакы вице-премьер эппитинэн, хочуолунайга аҕыс уу сылытар хочуол турар, кыамтата биириин киэнэ 14 МВт, онон уопсайа 112 МВт.
Хаартыска Дмитрий Садовников телеграм-ханаала
«Хочуолунай бигэ туругунан бастакы категорияҕа киирэр. Толору автоматизированнай. Ити элбэх процеһы чэпчэтиэҕэ. Тохтоло суох үлэни саппааска турар электро-энергия хааччыйыаҕа», — диэн суруллар телеграм-ханаалга.
