Саҥа үөрэх дьылыгар Саха сирин 15 оройуоннарыгар уонна Дьокуускайга 38 оскуола өрөмүөннэнэр. Бу туһунан өрөспүүбүлүкэ премьерэ Андрей Тарасенко тустаах биэдэмистибэлэри кытта сүбэ мунньах түмүгүнэн иһитиннэрдэ.
«Үөрэх дьыла саҕаланыан иннинэ тутуу матырыйаалын хомуйуохха наада, оҕолор оскуолаҕа кэлэллэригэр барыт бэлэм буоларын туһугар. Өрөспүүбүлүкэ баһылыга Айсен Николаев өрөмүөн үлэтин түргэтэтэргэ уонна бэдэрээччиттэр толорор үлэлэрин хаачыстыбаларыгар хааччыйыыга ураты болҕомтону уурарга сорудахтаата», — диэтэ Андрей Тарасенко.
Балаҕан ыйыгар диэри Алдан, Амма, Булуҥ, Үөһээ Бүлүү, Бүлүү, Кэбээйи, Мэҥэ- Хаҥалас, Нам, Ньурба, Өймөкөөн, Сунтаар, Томпо, Уус-Алдан, Хаҥалас оройуоннарыгар уонна Дьокуускай куоракка оскуолалары туттарар былааннаахтар. Билиҥҥитэ эбийиэктэр ортотунан 82% бэлэмнэр.
Булуҥ оройуонун 1 №- дээх оскуолатыгар ураты болҕомто ууруллар, онно эбийиэк 39% эрэ бэлэм. Премьер тустаах министиэристибэлхргэ суһал бэрээдэгинэн бэдэрээттэһэр тэрилтэни солбуйарга уонна эбии үлэһиттэринэн хааччыйарга сорудахтаата.
