Саха сиригэр от былаана 70% туолла. Бу туһунан брифинг кэмигэр Саха сирин тыа хаһаайыстыбатын министиэристибэтин сир оҥоруутун уонна мелиорациялааһын салааларын сайыннарыы департаменын салайааччыта Вячеслав Гаврильев иһитиннэрдэ, СИА суруйар.
«2024 сылга өрөспүүбүлүкэҕэ 436 тыһыынча туонна от, 29 тыһыынча туонна сиилэс уонна 14 тыһыынча туонна сенаж бэлэмниир былааннаахпыт. Билиҥҥи кэмҥэ Саха сирин тыа хаһаайыстыбатаны үлэһиттэрэ 305 тыһыынча туонна оту бэлэмнээтилэр, бу былаантан 70% тэҥнэһэр.
Маны таһынан, 3 тыһыынча туонна сиилэс маассата уурулунна», — диэтэ. Өрөспүүбүлүкэҕэ 9 тыһыынча туонна оту бэлэмниир мобильнай биригээдэлэр үлэлииллэр. Мобильнай биригээдэлэр 32 тыһыынча туонна оту бэлэмниир былааннаахтар.
