Саха сирин туойа араас дистанцияттан ытыллыбыт сэп-сэбиргэл буулдьатын араас көрүңүн тулуйан тохтотор кыахтаах, ону таһынан тас дойдулар броняларыттан 30%-нан чэпчэки. Инновационнай оҥоһугу учуонай Василий Тагировы кытта «Хоту- Тент» хампаанньа оҥорбут. Кытаатыннарыллыбыт туой броняны тургутарга чугас сиртэн Калашников аптамаатынан уонна Драгунов снайпер бинтиэпкэнэн ытан көрбүттэр. Саха бронята бары тургутууну ситиһиилээхтик ааспыт. Ол курдук, 90 миэтэрэ ыраахтан Калашников аптамаатын буулдьатын тохтоппут, оттон тас дойду бинтиэпкэтин буулдьатын — 5 уонна 15 миэтэрэ ыраахтан. Саҥа тиһик тутаах барыһа — буулдьаны тэйиппэт, оскуолагы барытын хатыыр.
— Оборуона министиэристибэтэ биһиги оҥоһукпутун билиниэҕэ уонна Саха сиригэр бырамыысыланнай оҥорон таһаарыыны олохтуурга көмөлөһүөҕэ диэн эрэнэбит. Кыра собуоттар Саха сирин хас биирдии нэһилиэнньэлээх пуунннарыгар арыллан үлэлиэхтэрин сөп. Үчүгэй өйөбүлү уонна үбүлээһини ыллахпытына биһиги өстөөх снарядтарыттан тааҥкалары көмүскүүр бронялары оҥорон таһаарыахпытын сөп. Барыта Кыайыы туһугар! — диэн оҥорон таһаарааччылар этэллэр.
«Биһиги Саха сирин дьикти баайын уонна бастыҥ технологияларын холбоотубут. Хампаанньа былааныгар — Оборуона министиэристибэтэ өйөбүлүнэн тааҥканы көмүскүүр броняны оҥорон таһаарыы», — диэн хампаанньа дириэктэрэ Афанасий Махатыров эбэн эттэ.
