Киһи дьалаҕайыттан уонна баһаартан сэрэхтээх буолуу ирдэбиллэрин тутуспатыттан ойуурга баһаар тахсар. Эппиэтинэһэ суох быһыы экосистемаҕа хоромньу таһаарар. Саха сиринээҕи лесничество өссө биирдэ сэрэхтээх буолууну санатар, суруйар СИА.
«Сылын аайы киһи оттоох-мастаах сирдэри кытта алтыһыыта кэҥээн иһэр. Киһи үктэммит сиригэр уот туруутугар куттал суоһуура улаатар. Ол иһин киһи баһаартан сэрэхтээх буолуу быраабылаларын тутуһуохтаах, атыттартан ирдиэхтээх. Ойуур уотун туруутугар 95%-на киһи буруйуттан тахсар», — диэн иһитиннэрдилэр Саха сирин лесничествотыгар.
Өскө уот киһи буруйунан тахсыбыт буоллаҕына уонна үүнэни турар маска хоромньу 50 тыһ солк таһаарыллыбыт буоллаҕына — РФ ХК 261 ыстатыйатынан эппиэтинэскэ тардыллар. Накаастабыл миэрэтэ араас, 10 сылга диэри көҥүлэ быһыллыан, 500 тыһ солк диэри ыстыраап төлүүр эбии миэрэ ылыллыан сөп.
Сиһилии ойуурга сэрэхтээхтик сылдьыы быраабылаларын манна аах https://ysia.ru/yakutskoe-lesnichestvo-do-95-lesnyh-pozharov-voznikayut-po-vine-cheloveka/
