Бэс ыйын 27 күнүгэр өрөспүүбүлүкэ сиригэр-уотугар 195 га уопсай иэннээх түөрт ойуур баһаарын умуруоруу үлэтэ салҕанар, диэн НВК Саха телеграм-ханаала суруйар.
Бу туһунан СӨ Экологияҕа, айылҕаны туһаныыга уонна ойуур хаһаайыстыбатын миниистирин солбуйааччы Андрей Коноплев брифиҥҥэ иһитиннэрдэ.
Үөһээ Дьааҥы улууһугар 24 га иэннээх икки баһаар баар. Өссө биир уот Нерюнгри оройуонугар бэлиэтэннэ. Маны таһынан Өлүөхүмэ улууһугар 170 га иэннээх эмиэ биир уот көһүннэ.
Ойуур баһаарын умуруоруу үлэтигэр 114 киһи уонна 3 тиэхиньикэ кыттар.
