Уус Алдан улууһугар Тулуна сэлиэнньэтигэр олохтоох киһи ас буһарынаары кутаа оттубут. Тыал уот суоһун ойуурга ыспыт. Умайбыт сир иэнэ 10 гектар, онтон 4 гектара — ойуур. Баһаары 20 баһаарынай уонна баҕа өттүнэн көмөлөһөөччүлэр умуруордулар. Эр киһи эппиэтинэскэ тардыллар.
Саха сиригэр баһаар кутталын сезона саҕаланыаҕыттан 75 ойуур уонна 162 ландшафтнай баһаар таҕыста. Сүрүн биричиинэнэн, эрдэтээҥи курдук, киһи буолар.
Баһаар быраабылатын кэһээччилэргэ ыстыраап мөлүйүөн солк диэри эбэтэр холуобунай эппиэтинэс. Маны сэргэ, буруйдаахтар хоромньу ороскуотун төлүүллэр, бу эмиэ мөлүйүөнүнэн суума.
