Саха сиригэр нэдиэлэ иһигэр ойуур баһаара икки төгүл аҕыйаата. От ыйын 18 күнүнээҕи туругунан 73 баһаар баар, диэн брифинг кэмигэр бырабыыталыстыба бастакы солбуйааччыта Дмитрий Садовников иһитиннэрдэ.
Кини уот ылбыт сирин иэнэ 456 713 гектарга тэҥнэһэр диэн чуолкайдаата. Сууккаҕа 91 195,5 гектар иэннээх 51 ойуур, ону таһынан биир ландшафтнай баһаары умуллардылар. 1 080 гектар иэннээх сиргэ түөрт баһаары буллулар.
Ону тэҥэ, Уус-Маайа, Амма, Нерюнгри уонна Алдан оройуоннарыгар 19 624 гектар иэннээх 11 ойуур баһаарын туораттылар .
