Бүгүн Саха сирин соҕуруулуу-арҕаа өттүгэр күнүскү температура сылаас уонна хаар түһэр, сорох сиринэн инчэҕэй. Хотугу улуустарга 20 м/с дылы тыал тыаллаах, буурҕа. Бу туһунан УГМС синоптиктара иһитиннэрдилэр.
Дьокуускайга чугастааҕы сууккаҕа улахан сөҥүү күүтүллүбэт, тыал мөлтөх буолуоҕа. Күнүс -14…-16 диэри сылыйыаҕа.
Арҕаа уонна хотугулуу-илиҥҥи улуустарга сөҥүү сабаҕаланар. Өлөөн уонна Мииринэй оройуоннарыгар кыракый хаар күүтүллэр, Ленскэй оройуонугар инчэҕэй хаар буолуон сөп. Халыма-Индигир оройуоннарыгар уонна Өймөкөөн улууһугар миэстэлэринэн күнүс орто хаар ааһыаҕа. Өрөспүүбүлүкэ атын сиригэр-уотугар улахан сөҥүү сабаҕаламмат.
Арҕаа улуустарга күнүс салгын -5…-10, оттон соҕуруулуу-арҕаа -4…+1 тиийэ сылыйыаҕа.
Өрөспүүбүлүкэ хотугулуу-арҕаа өттүгэр 9-14 м/с тэтимнээх орто тыал күүтүллэр. Анаабыр уонна Булуҥ улуустарыгар тыал 15-20 м/с тиийиэн сөп, тибии, буурҕа буолуон сөп. Күнүс хотугулуу-илиҥҥэ -20…-25 кыраадыс күүтүллэр.
