Муус устартан Саха сиригэр күөл быраҥааттатыгар тэрилтэлэр уонна индивидуальнай предпринимателлэр экология министиэристибэтин кытта босхо дуогабар оҥорсуохтарын сөп. Аукционтан квота атыылаһар ирдэммэт.
Регион салалтатын пресс-сулууспата иһитиннэрбитинэн, бирикээһи РФ тыа хаһаайыстыбатын министиэристибэтэ, балык хаһаайыстыбатыгар институт (ВНИРО) уонна Саха сиригэр үлэ түмүгүнэн, бэлэмнээтэ.
2020 сыллаахха Ил Дархан Айсен Николаев уонна институт дириэктэрэ Кирилл Колончин Саха сиригэр балык хаһаайыстыбатыгар баар соруктары толорууга сөбүлэҥҥэ илии баттаабыттара. Докумуону оҥороллоругар регион баһылыга Саха сирэ күөллэргэ уонна өрүстэргэ научнай-чинчийэр үлэ барарыгар интэриэстээҕин биллэрбитэ. Саха сирин балыгынан саппааһа үөрэтиллэригэр, экологияҕа охсуута суох балыгы туһаҕа таһаарар туһунан кэпсэппиттэрэ. Ол түмүгэр билигин күөл быраҥааттатын квотата суох бултуурга көҥүл кэллэ. Бу туһунан бырабыыталыстыба бэрэссэдээтэлин солбуйааччыта Ольга Балабкина эттэ.
Сайабылыанньаны биэриигэ: Дьокуускай, Ленин проспега, 22 дьиэ, кабинета 604. Төлөпүөн: (4112) 507-491.
