2024 сыллаахха Саха сиригэр «Доступное арендное жилье» федеральнайдааҕы бырагыраама олоххо киирбитэ. Тосхол өрөспүүбүлүкэҕэ наадалаах исписэлиистэринэн хааччыллыыга туһуланар. Бырагыраама быһыытынан кинилэри миэбэллээх, бытовой техникалаах олорор дьиэнэн чэпчэки сыанаҕа хааччыйыы, иһитиннэрэр тутуу министиэристибэтэ.
Саха сиригэр лимиит 850 кыбартыыра, ити эрээри бырабыыталыстыба хамыыһыйатын быһаарыытынан 153 кыбартыыра эбилиннэ. Онон 1003 арендаланар кыбартыыра Дьокуускайга, Нерюнгрига, Мииринэйгэ, Алдаҥҥа тутуллар буолла. Билигин Дьокуускайга 24 кыбартыыра бэлэм.
2025 сылга биэс элбэх кыбартыыралаах дьиэ тутуута түмүктэниэхтээх, регион операторыгар кыбартыыралары туттарыллыахтаах: 141 кыбартыыра Дьокуускайга, 192 — Нерюнгрига уонна 28 Алдаҥҥа.
«Доступное арендное жилье в ДФО» бырагыраама Россия президенэ Владимир Путин көҕүлээһининэн үлэлиир. Саха сиригэр операторынан «Центр развития жилищных программ Якутии» тэрилтэ буолар.
