2000 тахса килэмиэтир уһуннаахх “Халыма” суол Дьокуускайтан Магадаҥҥа диэри тыргыллар. Россия “Главгосэкспертизата” икки учаастакка хапытаалынай өрөмүөҥҥэ – 231-тэн 234-кэ км уонна 234-тэн 248-с км диэри оңорууга көҥүл биэрдэ.
«Халыма» федеральнай суолга үлэ уочараттаах түһүмэхтэрэ Таатта улууһугар ыытыллыахтара. Хапытаалынай өрөмүөн учаастактарын уопсай уһуна 16,95 км тахса буолуоҕа, ол иһигэр 8 км бастакы түһүмэххэ, 8,95 км кэриҥэ — иккискэ.
«Халыма» суолга хапытаалынай өрөмүөн суол нуорматынан IV категориятынан 80 км/ч. Түргэннээххэ суоттанан оҥоруллар. Икки балаһалаах трасса ыарахан учаастактарыгар түргэни 60 км/ч. диэри хааччахтыахтара. Үлэ ыытыллар кэмигэр транзитнай тырааныспары ыытыы быстах схеманан тэриллиэҕэ», — диэн бырайыак кылаабынай эксперэ Татьяна Сущевская кэпсээтэ.
Бырайыак суолунан сылдьыы куттала суох буолуутун хааччыйар дьаһаллардаах, ол иһигэр саҥа аҕыраадалар, суол бэлиэлэрэ уонна суол инфраструктуратын атын да элеменнэрин туруоруу киирэр.
