«»Госуслуги» порталга 9 тыһыынчаттан тахса сайабылыанньа киирдэ, өҥө 5600 киһиэхэ оҥоһулунна», – диэтэ кини.
Регион бырабыыталыстыбатын пресс-сулууспатыгар эппиттэринэн, 5600 киһиттэн 2400 киһи үбүнэн көмө ылла, уопсай суумата 220 мөл солк, 3200 киһи биир кэмнээх материальнай көмө тутта, уопсай суумата 32 мөл солк.
Тахсыбыт хоромньу, бүтэһик дааннайынан, 2,4 млрд солк буолла. «Өрөспүүбүлүкэ министиэристибэлэрэ билигин федеральнай структуралары кытта үлэлииллэр», – диэтэ Садовников.
Олорор дьиэлэргэ испииһэк чуолкайданар. Экспертиза түмүгүнэн, чөлүгэр түһэриллэр кыаҕа суох буолбут дьиэлэр оннуларыгар саҥа дьиэҕэ үбүлээһин көрүллэр, оттон алдьаммыт дьиэлээх бас билээччилэргэ — өрөмүөн ыытыллар.
Санаттахха, сааскы халаан уутуттан 27 нэһилиэнньэлээх пуун Нам, Өлүөхүмэ, Ньурба оройуоннарыгар хоромньулар таҕыстылар.
