Саха сирин баһылыга региоҥҥа дьарыктаах буолуу 16 киинэ саҥардыллыахтааҕын уонна Арктика оройуоннарыгар үлэни тэрийиигэ ураты болҕомто ууруллуохтааҕын тоһоҕолоон бэлиэтээтэ.
Ян Талбацкай үбүлээһин былааннаах кээмэйэ быһаарыллан, уустук логистиканы учуоттаан, Саха сиригэр дьарыктаах буолуу кииннэрин саҥардыы бырайыагын олоххо киллэриини икки сылга — 2026 сылтан 2027 сылга диэри үллэрэргэ быһаарыы ылылынна.
Роструд салайааччытын солбуйааччы этэринэн, саҥардыы кэнниттэн дьон сыһыана уларыйар, дьарыктаах буолуу кииннэрин стандартнай үлэ биржатын курдук буолбакка, толору хааччыллыылаах кадр киинин курдук ылынар. Саҥардыы түмүгүнэн регион дьарыктаах буолуу сулууспата дьону үлэҕэ киллэрэр орто кэмэ үс гыммытынан кыччатыахтаах.
Өрүттэр дьарыктаах буолуу Сулууспата, үлэни биэрээччи, профессиональнай үөрэх систиэмэтэ улахан нэһилиэнньэни үөрэтиигэ бырагырааны олоххо киллэриигэ үлэни ккүһүрдэллэригэр эттилэр.
Комплекснай модернизация бырайыага Россияҕа 2023 сылтан олоххо киирэр, бастакы түһүмэххэ 17 регион кыттыыны ылла. Билигин бырайыак дойду президенэ Владимир Путин көҕүлээбит «Кадрдар» национальнай бырайыагын чэрчитинэн олоххо киирэр. Дойдуга дьарыктаах буолуу кииннэрин түһүмэҕинэн саҥардыы алта түһүмэҕинэн ааһан, 2028 сылга түмүктэниэхтээх.
