Коронавируһунан сибээстээн ылыллыбыт хааччахтыыр миэрэлэр Саха сиригэр от ыйын 24 күнүгэр диэри уһатылыннылар. 1322№-дээх Ил Дархан анал ыйааҕа от ыйын 14 күнүгэр таҕыста. Бу туһунан Ил Дархан уонна Бырабыыталыстыба пресс-сулууспата иһитиннэрэр.
Өрөспүүбүлүкэ вице-премьера Ольга Балабкина Саха сиригэр коронавирус ыарыытын тарҕаныытын коэффициена 1,1 тэҥнэһэрин эттэ. «Бу көрдөрүү ирдэбилтэн үрдүк, онон хааччаҕы устарга эрдэ», — диэтэ кини.
