Саха сиригэр бюджет эйгэтин 111 тыһыынчаттан тахса үлэһитигэр хамнастара үрдүүр. Маннык уураах бырабыыталыстыба мунньаҕар ылылынна. Ол туһунан регион салалтатын пресс-сулууспата иһитиннэрдэ.
«Саха сирин бырабыыталыстыбата 2024 сыл тохсунньу 1 күнүттэн бюджет эйгэтин 12 сыаллаах категориятын үлэһиттэригэр хамнастарын үрдэтэр туһунан уураах ылынна. Категориялар РФ президенин 2012 сыллааҕы «ыам ыйынааҕы» ыйаахтарыгар олоҕураллар, 2024 сыл үлэ орто дохуотун 100% уонна 200% тэҥ», — суруллар иһитиннэриигэ.
Бюджет эйгэтин категорияларыгар 54 тыһ тахса үлэһит киирсэр: учууталлар, иитээччилэр, эбии үөрэх уонна тулаайах оҕолор педагогтара, научнай сотрудниктар, үрдүк уонна орто үөрэх преподавателлэрэ, медүлэһиттэр, култуура үлэһиттэрэ уонна соцүлэһиттэр.
Маны тэҥэ 2024 сыл тохсунньутуттан 5,5% хамнастара 57 тыһ үлэһиккэ «прочие» категорияларга эбиллибитэ.
Бу сыалга Саха сирин бюджетыттан 5,1 млрд солк көрүлүннэ.
