Бурдукка 1864 туонна сиэмэ наада. Онтон хаһаайыстыбалар бэйэлэрин сиэмэлэрэ уонна өрөспүүбүлүкэ иһигэр тарҕатыы 1112 туонна, оттон 752 туонната атын регионтан киириэҕэ.
Сүөһү сиир аһын бэлэмнээһиҥҥэ 2,7 тыһ. туонна сиэмэ. Улуустар дааннайдарынан, хаһаайыстыбаларга 1,1 тыһ. туонна сиэмэ баар, 1,6 тыһ. туоннатын Алтай кыраайыттан, Новосибирскай уонна Тюмень уобаластарыттан «Агрохолдинг Туймаада», «ЯкутАгротрейд», «Агроальянс» уонна улуустар аҕалыахтара.
Тэриллиилээх хаһаайыстыбаларга хортуоппуйу 2,4 тыһ. гектарга ыһар былааннаахтар, сиэмэҕэ наадыйыы 7,2 тыһ. туонна уонна хааччыллыы таһыма 80%.
Тиийбэт сиэмэ матырыйаала ыам ыйын бүтүүтүгэр диэри аҕалыллар, хаһаайыстыбалар арыларыгар атастаһыыга (300 туонна) уонна 1,2 тыһ. туоннаны Иркутскай уонна Амур уобаластарыттан уонна Приморскай кыраайтан аҕалтарыыга былаанныыллар.
Тыа хаһаайыстыбатын табаарын оҥорон таһаарааччылар 707 туонна минеральнай уоҕурдууга сайаапкалаахтар: азофоска – 399 туонна, карбамида – 120 туонна уонна диаммофоска – 188 туонна.
Өрөспүүбүлүкэ бюджетыгар бурдугу, хортуоппуйу, оҕуруот аһын олордууга өйөбүл үбүлээһин 2025 сылга 259 мөл солк тэҥ.
Ил Дархан Айсен Николаев ыйааҕынан, 2030 сылга олохтоох оҥорон таһаарыы иэнин, 2023 сылы кытта тэҥнээтэххэ, балтараа төгүл улаатыннарар сорук турар.
