Айсен Николаев бэлиэтээбитинэн, өрөспүүбүлүкэҕэ пилота суох көтөр салгын техниката көхтөөхтүк туттуллар. Аппарааттары ойуур баһаардарын мониторинныырга, оҥорон таһаарар былаһааккаларга, геодезияҕа уонна картографияҕа тутталлар. Технопааркаҕа «беспилотниктар» лабораториялара үлэлиир, «Полярнай» научнай — оҥорон таһаарар киин тэриллэр.
Билигин Дьокуускай — Аллараа Бэстээх хайысханан 10 киилэҕэ диэри таһаҕаһы «беспилотниктар» таһаллар. Исписэлиистэри бэлэмнээһин барар. Тыһыынчаттан тахса киһи үөрэннэ, ол иһигэр тэрилтэлэр сотрудниктара уонна байыаннай сулууспалаахтар.
«Бырагыраама сүрүнэ бары көрүҥ беспилотниктары хабыан наада, соруга, туттуллар хайысхата, олохтоохторго суолтата уонна өрөспүүбүлүкэ экономикатыгар оруола чуолкай буолуохтаах. Технологията биир сөбүлэһиниллибит систиэмэнэн сайдыахтаах, биир түмүк баар буолуохтаах», — суруйда телеграм-ханаалыгар Айсен Николаев.
