Саха сиригэр байыаннай сулууспалаахтар дьиэ кэргэттэрин өйүүр дьаһаллар туһунан иһитиннэрэр «итии линия» үлэтин салгыыр. Бу туһунан өрөспүүбүлүкэ үөрэҕин уонна наукатын миниистирин бастакы солбуйааччы Михаил Присяжнай иһитиннэрдэ, диэн СИА кэпсиир.
Бастакы миниистир этэринэн, быһа холбонууга байыаннайдар дьиэ кэргэттэрин өйүүр дьаһаллар тустарынан дьоҥҥо тиэрдэр көмө штаб регион үөрэххэ министиэристибэтин иһинэн үлэлиир.
«Биһиги өрөспүүбүлүкэ бары муниципалитеттарыгар актыыбынай өйдөтөр үлэни ыытабыт, тоҕо диэтэххэ бары боппуруостарга чуолкай хоруйдар бэриллиэхтээхтэр. Хас биирдии киһи суһал нүөмэринэн эрийэн кэлэн интэриэһиргиир ыйытыыларын биэриэн сөп. Оройуоннар баһылыктарыгар барыларыгар маннык штабтары тэрийэргэ сүбэлиибит», — диэн Михаил Присяжнай бэлиэтээтэ.
Бэлиэтээн эттэххэ, 2022 сыл алтынньы 5 күнүттэн байыаннай сулууспалаахтар дьиэ кэргэттэригэр социальнай өйөбүл биэрэргэ сайабылыанньа ылыы саҕаланна.
Бары ыйытыыларгыт быһа нүөмэринэн эрийэн билсиэххэ сөп: 8 (4112) 506-989.
