Өрөспүүбүлүкэҕэ нэдиэлэ ортотуттан бэһис кылаастаах баһаар куттала үөскээбит сир быдан аччыаҕа диэн РФ «Гидрометеорологическай билим-чинчийии киинин» билим салайааччыта Роман Вильфанд ТАСС-ка иһитиннэрдэ, бу туһунан НВК Саха телеграм-ханаала суруйар.
Кини бэлиэтииринэн, Саха сирин хотугу-арҕаа уонна хотугу-илин өттүлэригэр салгын тымныйыыта бу маннык оруолу толоруохтаах. РФ Гидрометеологическай киинэ иһитиннэрэринэн, өрөспүүбүлүкэҕэ бу нэдиэлэҕэ температура орто көрдөрүүтэ 23-24 кыраадыска тэҥнэһиэ.
Санатарбыт курдук, суукка иһигэр Кэбээйи, Ньурба уонна Өлүөхүмэ улуустарыгар биэс ойуур баһаарын умуруордулар. Бүгүҥҥү күн сарсыардааҥҥы көрдөрүүтүнэн, уопсайа 69 ойуур баһаара баара бэлиэтэнэр.
