Балаҕан ыйын 30 күнүгэр, өрөспүүбүлүкэ гражданскай оборуона дьыалаларыгар миниистирэ Дмитрий Лепчиков «Якутия24» телеханаал «Актуальнай интервью» бырагырааматын быһа эфиргэ кытынна. Биэрии кэмигэр кини өрөспүүбүлүкэ сиригэр-уотугар навигацияҕа тирээн турар суолталаах иһитиннэриини кэпсээтэ уонна Арктикатааҕы навигация билигин түмүктүүр түһүмэххэ турарын бэлиэтээтэ.
Быйыл навигацияҕа олоҕу хааччыйар таһаҕаһы таһыы былааннаах кээмэйэ 1 148,7 тыһ.туонна. Навигация саҕаланыаҕыттан өрөспүүбүлүкэ наадыйыытыгар 1 035,0 тыһ.туонна тиэрдилиннэ, эбэтэр былаан 90,1%, 965,6 тыһ. туонна тиэрдилиннэ, эбэтэр 84,1%.
Маны сэргэ быһа эфир кэмигэр гражданскай оборуона боппуруостарын, биллэрии сигналын, сүрүн соруктары уонна үөрэтиини тэрийиини дьүүллэстилэр.
“Гражданскай оборуона оруола бүгүҥҥү күҥҥэ олус тирээн турар, кини мөлтөх усулуобуйаҕа уопсастыба куттала суох буолуутун уонна туруктаах буолуутун хааччыйарга аналлаах сокуонунан бигэргэтиллибит быраабылалар уонна дьаһаллар холбоһуктара буолар», — диэн Дмитрий Лепчиков бэлиэтээтэ.
