24,6 мөл. солк. тахса суумалаах судаарыстыбыннай субсидия тыа сиригэр уонна кыра куораттарга баар үөрэх тэрилтэлэригэр спортивнай саалалары саҥардыыга түҥэтилиннэ. Үбү «Хас биирдии оҕо ситиһиитэ» федеральнай бырайыак чэрчитинэн көрдүлэр диэн, СИА-ҕа регион баһылыгын уонна бырабыыталыстыбатын пресс-сулууспата иһитиннэрдэ.
Бу үп биэс орто оскуолаларга спортивнай саалалары өрөмүөннээһиҥҥэ ананна: Алдан оройуонун 8 №- дээх, Өлүөхүмэ куоратын 2 №- дээх оскуолаларыгар ону тэҥэ, Үөһээ Халыма Зырянкатыгар, Бүлүү улууһун Халбаакытыгар уонна Уус-Алдан Тулунатыгар.
Ону сэргэ, Чурапчы улууһун Төлөй орто оскуолатыгар атын кылаастары өрөмүөн көмөтүнэн спортивнай саала гыныахтара.
2023 сылга 36 оскуоланы спортивнай инвентарынан хааччыйыы былааннанар, ону тэҥэ 10 аһаҕас спортивнай площадканы аһыллыаҕа. Ити сыалга 12,92 мөл. солк. тахса үп көрүллүөхтээх.
