Угино сэлиэнньэ – А-360 трасса хайысханан Алдан эбэни туоруур муус суол муус устар 10 күнүттэн техника бары көрүҥэр сабылынна. Ол туһунан ЫБММ Саха сиринээҕи салаата иһитиннэрдэ. Маны сэргэ техника уйугун кыччатыыга дьаһаллар ылылыннылар.
Хаҥалас улууһугар 30 туоннаҕа диэри икки хайысха үлэлиир: Покровскай – Тиит-Эбэ (1 Дьөппөн) уонна Мохсоҕоллоох – Хачыкаат.
Муниципальнай суолталаах биэс муус суолга техника уйугун көрдөрүүтэ түстэ: Сунтаар улууһугар Бүлүүнү туоруурга Илимниир – Хадан, Сунтаар – Туойдаах уонна Түбэй – Шея — 4 туоннаҕа диэри; Эдьигээҥҥэ Стрекаловканы туоруурга Эдьигээн – аэропорт — 10 туоннаҕа диэри; Мэҥэ Хаҥалас улууһугар өрөспүүбүлүкэ суолталаах Хатас – Павловскай хайысханан Өлүөнэ эбэҕэ 30 туоннаҕа диэри.
Билигин өрөспүүбүлүкэҕэ 42 муус суол үлэлии турар.
